विद्यापति स्मृति पर्व सफलता पूर्वक सम्पन्न भेल।
अनेको विघ्न-बाधा क बावजूद कार्यक्रम सफल बनेबाक हेतु हम हृदय स धन्यवाद ज्ञापन करैत छी — मान्यवर अध्यक्ष महोदय, सभ पदाधिकारी लोकनि, माननीय कार्यकारिणी सदस्यगण, संयोजकगण, कार्यकर्ता, आ समस्त स्टाफ के, जिनकर अथक परिश्रम आ समर्पण स ई कार्यक्रम सफल बनि सकल। हम अपन हार्दिक आभार व्यक्त करैत छी सभ सम्मानित अतिथि एवं विभूति लोकनि के, जिनकर उपस्थिति स समारोहक शोभा आ गौरव बढ़ल। मीडिया बंधु लोकनि के विशेष धन्यवाद — जिनकर सहयोग स कार्यक्रमक संदेश समाजक प्रत्येक कोन तक पहुँचलक।

हम विशेष रूप सॅं  धन्यवाद ज्ञापित करैत छी दूनू दिनक उद्घाटनकर्ता — माननीय न्यायमूर्ति अरुण कुमार झा आ माननीय राज्यपाल महोदय के, जिनकर प्रेरणादायी उपस्थिति आ विचार स कार्यक्रम उज्ज्वल बनल।

गीत, संगीत, नृत्य आ नाटकक कलाकार लोकनि के हृदयक अन्तस्थल स नमन — ओ लोकनि अपन कला स विद्यापति स्मृति पर्व क आत्मा बनेलनि। सर्वाधिक धन्यवाद समस्त दर्शक भाई-बहिन लोकनि के, जे अपन उपस्थिति आ उत्साह स पूरा आयोजन केँ जीवंत बनौलनि।

हम विशेष रूप स कृतज्ञ छी हमर सभक अभिभावक प्रो. रत्नेश्वर मिश्र जी क, जे दोसर दिनक कार्यक्रम मे विशिष्ट अतिथि क रूप मे उपस्थित भ’ अपन सारगर्भित विचार प्रस्तुत केलनि। महाकवि विद्यापति पर हुनक विचार स सभ प्रभावित भेल।

माननीय राज्यपाल महोदय सेहो हुनक वक्तव्य स अत्यंत प्रभावित भेलथि आ प्रस्थानक समय कहलखिन —
“आपके एक-एक शब्द से मैं बहुत प्रभावित हूँ।” हम हृदय स नमन करैत आभार व्यक्त करैत छी प्रो. रत्नेश्वर मिश्र जी क, आ ईश्वर स प्रार्थना करैत छी जे हुनक आशीर्वाद सदैव हमरा सभ पर बनल रहय। हम हृदय स धन्यवाद आ आभार व्यक्त करैत छी समस्त साहित्यकार बन्धु लोकनि के, जे पुरस्कार आ सम्मानक चयनक प्रक्रिया पूर्ण करैत विभिन्न क्षेत्रक विभूति लोकनि चयन कयलनि।

विशेष रूप सॅं धन्यवाद आ कृतज्ञता:

श्री रमानन्द झा ‘रमन’, कथाकार अशोक, प्रो. इन्दिरा झा, डॉ. कलानाथ मिश्र, भैरव लाल दास, प्रदीप बिहारी, श्रीमती मेनका मल्लिक, प्रो. रंजना झा, किशोर केशव, प्रो. अमलेन्दु पाठक,  प्रो. केशकर ठाकुर, श्री अरविन्द कुमार सिंह, अशोक मेहता, प्रो. सत्येन्द्र कुमार झा, प्रो. जयदेव मिश्र, सुनील कुमार झा, अशोक कुमार झा ,अजय कृष्ण मिश्र, शिशिर चन्द्र मिश्र

हम सबक प्रति हृदय स कृतज्ञ छी, जिनकर सहयोग आ मार्गदर्शन स विद्यापति स्मृति पर्व सफल बनल।
श्री जयदेव मिश्र, सचिव, चेतना समिति पटना